If the River Irrawaddy is to be regarded as the mother river, the Irrawaddy Dolphins are, then, to be named the Virgins of the Irrawaddy.

ဧရာဝတီမြစ်၏ သဘာဝတရား ပေါကြွယ်လှသည့် သက်ရှိ၊သက်မဲ့သယံဇာတများကြောင့်ပင် ဧရာဝတီက သဘာဝသယံဇာတကျိန်စာမှလွတ်မြောက်ရန် ကြိုးစားရုံးကန်နေရပြီဖြစ်သည်။ဧရာဝတီ၏သဘာဝသယံဇာတ များအား လူတို့က နည်းအမျိုးမျိုးဖြင့် ဧရာဝတီပျက်လောက်အောက်ထုတ်ယူသုံးဆွဲခဲ့သည်မှာ ဆယ်စုနှစ်များ တိုင်ခဲ့ပြီးဖြစ်သည်။

ဧရာဝတီကို မိခင်မြစ်ဟု သတ်မှတ်လျှင် ဧရာဝတီ၏ ရင်ခွင်အတွင်းပျော်မြူးနေသည့် ဧရာဝတီလင်းပိုင်များကို ဧရာဝတီ၏သမီးပျိုများဟု တင်စားရမည်ဖြစ်သည်။

၎င်းတို့သည် ဧရာဝတီလင်းပိုင်၊ ရေချိုလင်းပိုင်၊ နှုတ်သီးဝိုင်းလင်းပိုင်၊ရေဝက် စသည်ဖြင့် အမည်ပေးခံရသည့် ချစ်စဖွယ် မျက်နှာပိုင်ရှင်များလည်းဖြစ်သည်။